Description: In hierdie uitgawe van Weg! Toerfiets: 2022-Kalender Hier’s jou lys van die 33 mooiste avontuurrenne in SA en oorsee; Richtersveld Oorleef ’n week in die wildernis met ’n FB-vriend; Canal du Midi Ja, jy kan Frankryk met klein kinders aanpak!; Lesotho Onfiks, maar moedig – die bergkoninkryk op ’n Gumtree-fiets; Profiel Lael Wilcox – avontuurrenne se ystervrou en 4 saalsakke wat jou sak pas, Stap vir stap: Diens jou vurk self, ’n E-fiets as toerfiets? Natuurlik, maar …, Europa vir 60-plussers – ’n kitsgids   –   En hier is ToerFiets, Suid-Afrika se nuwe fietstydskrif – en ‘n eerste in Magazine-Afrikaans. Vind inspirasie uit ons kleurvolle toer-artikels, van reise plaaslik en oorsee. Of dalk soek jy net raad wat om in te pak. Of watter items jou lewe op die saal net daardie tikkie makliker (en gemakliker) gaan maak. Ons toerusting-seksies bied ‘n raakvat oorsig vir als wat nuut op die rak is. Vind indiepte profiele oor die mense wat saak maak in die bedryf – van fietsbouers in Woodstock tot die vinnigste vrou in avontuurrenne. Ons boeke-seksie deel die merkwaardige verhaal van hoe ‘n fietstoer deur Tibet ‘n Kanadese egpaar se huwelik gered het (wel, hulle was gewoond aan die sneeu). En as jy ‘n kranige selfdoener is, wys ons jou hoe om jou eie remme te bloei. ToerFiets bied iets vir enigeen oud en jonk. Van die rusbank-toerdromer tot die langpad-trapper van die Sederberge. Saal op, met jou nuwe ToerFiets in die hand.