Description: In hierdie uitgawe van Weg!: Sederberg Stap met jou tent die wildernis in; Gauteng Die lewe maak weer sin op Cullinan; Zambië Verken die wilde Suid-Luangwa, Onder-Zambesi en Kafue; Nuwe reisjoernaal Toer op motorfietse deur Wes-Afrika (pasop vir die Keweseki’s!); Leer speel-speel voëls uitken; Wandel in ’n koel bergwoud op Hogsback; Op soek na kaptein Kaabi se verlore Karoo-kraal en Hengel saam met ’n galjoen-fluisteraar by Valsbaai.   –   Suid-Afrika se voorste reistydskrif is enige buitelewemens se paspoort tot bekostigbare bestemmings en blyplek in Suidelike-Afrika. Elke uitgawe is volgepak met puik foto’s en gesaghebbende stories oor interessante mense en plekke (en wat om daar te doen). Kamp, voetslaan, fotografie, toerusting, kos, die langpad, en avontuur is ook deel van Weg se DNS. En omdat ons nie freebies aanvaar nie en self vir alles betaal, weet lesers hulle kan ons inligting vertrou. Of jy wil wegbreek vir die naweek of ’n lang vakansie, jou reis begin hier…