Description: In Eenvoud: Maak jou spenskas vol Appelasyn, blatjang, slaaisous, mosterd, warmsjokolade…; Bóér op jou werf Plant ’n tuin vir die kostafel, Groentekalender (wanneer om te plant en te pluk)… en hou sommer hoenders aan!; Suurlemoene, asyn en koeksoda vir ’n skitterblink huis; Meng jou eie gesigolie, borduur ’n beertjie, hekel ’n kombers én lyfskroppers, kook seep … 40 + selfdoenprojekte; Koop minder, koop slimmer, maak meer… dis beter vir die aarde   –   Smag jy na ’n stiller, meer skeppende lewe? Waar jy vir vriende geskenke maak pleks van haastig iets wat in massa geproduseer word van ’n rak af gryp. Waar jy nader aan die aarde lewe; miskien ’n bietjie boer op jou werf; ’n groentetuin, dalk ’n hoender of twee vir vars eiers? Eenvoud wys wat jy in jou spensen skoonmaakkas maklik self kan maak pleks van om dit te koop in plastiek verpakking: Granola, jogurt, slaaisous, sitrusskoonmaakmiddel, katoenjammerlappies… Dieselfde geld vir jou badkamerkas – kook jou eie seep, meng gesigolie en reukweerder, hekel wattelappies… Jy hoef nie ’n meestersjef of handwerkghoeroe te wees nie. Geniet die proses van met jou hande werk en iets nuuts leer; weg van die rekenaar af. En eksperimenteer – Eenvoud het ook mooi skoon bladsye waar jy notas kan neerskryf. (Plus gratis uitknip-etikette, geskenkkaartjies en ’n herwinplakaat.) Laat Eenvoud jou bystaan op die pad na ’n groener en meer skeppende en betekenisvolle lewe.