Description: Huisgenoot Bederfkos Nostalgie Onthoukos wat koester; 125 hemelse bêre-resepte Vul jou kombuis met die geure van gister; Braaiboud, Bredies & potjies, hoender, vis, kerriekos, wintersop, pasteie, vetkoek, groente, poedings & soetgoed en beskuit.   –   Jou ma se gebraaide lamsboud. Jou ouma se vetkoek. Kerkbasaar-pannekoek met kaneelsuiker. Neem jou gesin op ‘n nostalgiese reis van onthoukos, koesterkos en gul bederfkos met hierdie splinternuwe uitgawe in Huisgenoot se gewilde kostydskrif-reeks. In Nostalgie kry jy 125 bêre-resepte vir onder meer Karoolamsboud, tamatiebredie, Kaapse brijani, outydse viskoekies, vetkoek, pampoenkoekies, sjokolade-malvapoeding, hertzoggies, padkos-beskuit en nog baie meer. Voed liggaam en siel met die geure van gister!